[๙๒] เหตุยา เทฺว อวิคเต เทฺว ฯ

สหชาตวาเรปิ ปญฺหาวาเรปิ สพฺพตฺถ วิตฺถาโร ฯ

กุสลตฺติกปริตฺตารมฺมณตฺติกํ นิฏฺฐิตํ ฯ

___________________

กุสลตฺติกหีนตฺติกํ

[๙๓] อกุสลํ หีนํ ธมฺมํ ปฏิจฺจ อกุสโล หีโน ธมฺโม อุปฺปชฺชติ เหตุปจฺจยา: ฯ

[๙๔] เหตุยา เอกํ อวิคเต เอกํ ฯ สพฺพตฺถ วิตฺถาโร ฯ

[๙๕] กุสลํ มชฺฌิมํ ธมฺมํ ปฏิจฺจ กุสโล มชฺฌิโม ธมฺโม อุปฺปชฺชติ เหตุปจฺจยา: กุสลํ มชฺฌิมํ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ เหตุปจฺจยา: กุสลํ มชฺฌิมํ ธมฺมํ ปฏิจฺจ กุสโล มชฺฌิโม จ อพฺยากโต มชฺฌิโม จ ธมฺมา อุปฺปชฺชนฺติ เหตุปจฺจยา: ฯ อพฺยากตํ มชฺฌิมํ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ เหตุปจฺจยา: ฯ กุสลํ มชฺฌิมญฺจ อพฺยากตํ มชฺฌิมญฺจ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ เหตุปจฺจยา: ฯ

[๙๖] กุสลํ มชฺฌิมํ ธมฺมํ ปฏิจฺจ กุสโล มชฺฌิโม ธมฺโม อุปฺปชฺชติ อารมฺมณปจฺจยา: ฯ อพฺยากตํ มชฺฌิมํ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ อารมฺมณปจฺจยา: ฯ

[๙๗] เหตุยา ปญฺจ อารมฺมเณ เทฺว อวิคเต ปญฺจ ฯ