ພິກຂຸນີວິພັງ: ແພ້ແລ້ວໂກດ ຈົນຢາກປະຖິ້ມທຸກຢ່າງ

ໃນພິກຂຸນີວິພັງ ພະວິໄນປິດົກ ເຫຼັ້ມ 3 ສັງຄາທິເສດສິກຂາບົດທີ 7 ແລະ 8 ມີຕົ້ນເລື່ອງຈາກພິກຂຸນີອົງດຽວກັນ ຄື ຈັນດະກາລີ ຄັ້ງທຳອິດ ນາງຜິດຖຽງກັບພິກຂຸນີທັງຫຼາຍ ໂກດ ຂັດໃຈ ແລ້ວເວົ້າວ່າ ຂ້າພະເຈົ້າຂໍບອກຄືນພະພຸດທະເຈົ້າ ພະທຳ ພະສົງ ແລະ ສິກຂາ ສະມະນີຈະມີແຕ່ທິດາຂອງສາກະຍະພວກນີ້ຕະຫຼອດໄປບໍ ສະມະນີອົງອື່ນທີ່ມີຄວາມລະອາຍ ມີຄວາມລັງກຽດບາບ ໃຝ່ໃນການສຶກສາກໍມີ ຂ້າພະເຈົ້າຈະໄປປະພຶດພົມມະຈັນໃນສຳນັກຂອງພວກນັ້ນ

ຄັ້ງທີສອງ ນາງຖືກຕັດສິນໃຫ້ແພ້ໃນອະທິກອນເລື່ອງໜຶ່ງ ໂກດ ຂັດໃຈ ແລ້ວກ່າວວ່າ ພວກພິກຂຸນີລຳອຽງເພາະຮັກ ເພາະຊັງ ເພາະຫຼົງ ແລະ ເພາະຢ້ານ ພະຜູ້ມີພະພາກຊົງບັນຍັດທັງສອງຂໍ້ເປັນສັງຄາທິເສດ ທີ່ຕ້ອງເມື່ອຖືກເຕືອນ ແລະ ສູດສະມະນຸພາດຄົບສາມຄັ້ງແລ້ວຍັງບໍ່ສະລະ

ສິ່ງທີ່ໜ້າສົນໃຈຄື ຖ້ອຍຄຳທີ່ສິກຂາບົດໃຫ້ເພື່ອນພິກຂຸນີໃຊ້ເຕືອນ ບໍ່ແມ່ນຄຳຂູ່ ແຕ່ເປັນຄຳຊວນໃຫ້ກັບມາຫາທຳ ແລະ ຄຳທີ່ຊວນໃຫ້ມອງຕົນເອງ ສິກຂາບົດເປັນວິໄນຂອງພິກຂຸນີ ແຕ່ພາບຂອງຄົນທີ່ໂກດແລ້ວຢາກຕັດຂາດທຸກຢ່າງ ຫຼື ແພ້ແລ້ວໂທດວ່າກຳມະການບໍ່ຍຸຕິທຳ ເປັນເລື່ອງທີ່ພົບໄດ້ທຸກມື້