ໂລຫິຕັດສະສູດ: ທີ່ສຸດຂອງໂລກຢູ່ໃນກາຍຍາວວາໜຶ່ງ

ໃນໂລຫິຕັດສະສູດ ໂລຫິຕັດສະເທວະບຸດທູນຖາມພະພຸດທະເຈົ້າວ່າ ຈະຮູ້ ເຫັນ ຫຼື ເຖິງທີ່ສຸດຂອງໂລກດ້ວຍການເດີນທາງໄດ້ ຫຼື ບໍ່

ທ່ານເລົ່າວ່າ ໃນຊາດກ່ອນເປັນລືສີຜູ້ມີລິດ ເດີນທາງໄດ້ໄວຄືລູກສອນທີ່ນັກທະນູຍິງໄປ ກ້າວໜຶ່ງໄກເທົ່າຈາກມະຫາສະໝຸດຝັ່ງຕາເວັນອອກເຖິງຝັ່ງຕາເວັນຕົກ ຕັ້ງໃຈເດີນທາງຫາທີ່ສຸດຂອງໂລກ ນອກຈາກເວລາກິນ ດື່ມ ຂັບຖ່າຍ ແລະ ນອນພັກຜ່ອນຄວາມເມື່ອຍແລ້ວ ບໍ່ຢຸດເລີຍ ເດີນທາງຢູ່ຮ້ອຍປີຈົນສິ້ນຊີວິດ ກໍບໍ່ເຖິງທີ່ສຸດຂອງໂລກ

ພະພຸດທະເຈົ້າຕັດວ່າ ທີ່ສຸດຂອງໂລກບໍ່ອາດເຖິງໄດ້ດ້ວຍການເດີນທາງ ແຕ່ຖ້າບໍ່ເຖິງທີ່ສຸດຂອງໂລກ ກໍບໍ່ອາດເຮັດທີ່ສຸດແຫ່ງທຸກໄດ້ ແລະ ຕັດວ່າ "ເຮົາບັນຍັດໂລກ ເຫດເກີດແຫ່ງໂລກ ຄວາມດັບແຫ່ງໂລກ ແລະ ທາງປະຕິບັດໃຫ້ເຖິງຄວາມດັບແຫ່ງໂລກ ໄວ້ໃນຮ່າງກາຍທີ່ຍາວປະມານວາໜຶ່ງ ທີ່ມີສັນຍາ ມີໃຈນີ້ເອງ"