Taṁ kiṁ maññatha, bhikkhave, rūpaṁ niccaṁ vā aniccaṁ vā”ti? “Aniccaṁ, bhante” …pe… vipariṇāmadhammaṁ, api nu taṁ anupādāya evaṁ diṭṭhi uppajjeyya: ‘rūpī attā hoti arogo paraṁ maraṇā’”ti? “No hetaṁ, bhante”. “Iti kho, bhikkhave, dukkhe sati, dukkhaṁ upādāya, dukkhaṁ abhinivissa evaṁ diṭṭhi uppajjati: ‘rūpī attā hoti arogo paraṁ maraṇā’”ti? “Vedanā …pe… “no hetaṁ, bhante”. “Iti kho, bhikkhave, dukkhe sati, dukkhaṁ upādāya, dukkhaṁ abhinivissa evaṁ diṭṭhi uppajjati: ‘rūpī attā hoti arogo paraṁ maraṇā’”ti. Ekūnavīsatimaṁ.

2. Dutiyagamanavagga

Arūpīattāsutta Sāvatthinidānaṁ. “Kismiṁ nu kho, bhikkhave, sati, kiṁ upādāya, kiṁ abhinivissa evaṁ diṭṭhi uppajjati: ‘arūpī attā hoti arogo paraṁ maraṇā’”ti? (Peyyālo.) Vīsatimaṁ.

2. Dutiyagamanavagga

Rūpīcaarūpīcaattāsutta Sāvatthinidānaṁ. “Rūpī ca arūpī ca attā hoti arogo paraṁ maraṇā”ti …pe…. Ekavīsatimaṁ.

2. Dutiyagamanavagga

Nevarūpīnārūpīattāsutta “Neva rūpī nārūpī attā hoti arogo paraṁ maraṇā”ti …pe…. Bāvīsatimaṁ.

2. Dutiyagamanavagga

Ekantasukhīsutta “Ekantasukhī attā hoti arogo paraṁ maraṇā”ti …pe…. Tevīsatimaṁ.

2. Dutiyagamanavagga

Ekantadukkhīsutta “Ekantadukkhī attā hoti arogo paraṁ maraṇā”ti …pe…. Catuvīsatimaṁ.

2. Dutiyagamanavagga

Sukhadukkhīsutta “Sukhadukkhī attā hoti arogo paraṁ maraṇā”ti …pe…. Pañcavīsatimaṁ.

2. Dutiyagamanavagga

Adukkhamasukhīsutta “Adukkhamasukhī attā hoti arogo paraṁ maraṇā”ti? “Bhagavaṁmūlakā no, bhante, dhammā …pe…