Sāvatthinidānaṁ. “Micchattañca vo, bhikkhave, desessāmi, sammattañca. Taṁ suṇātha. Katamañca, bhikkhave, micchattaṁ? Seyyathidaṁ—micchādiṭṭhi …pe… micchāsamādhi. Idaṁ vuccati, bhikkhave, micchattaṁ. Katamañca, bhikkhave, sammattaṁ? Seyyathidaṁ—sammādiṭṭhi …pe… sammāsamādhi. Idaṁ vuccati, bhikkhave, sammattan”ti. Paṭhamaṁ.
3. Micchattavagga
Akusaladhammasutta Sāvatthinidānaṁ. “Akusale ca kho, bhikkhave, dhamme desessāmi, kusale ca dhamme. Taṁ suṇātha. Katame ca, bhikkhave, akusalā dhammā? Seyyathidaṁ—micchādiṭṭhi …pe… micchāsamādhi. Ime vuccanti, bhikkhave, akusalā dhammā. Katame ca, bhikkhave, kusalā dhammā? Seyyathidaṁ—sammādiṭṭhi …pe… sammāsamādhi. Ime vuccanti, bhikkhave, kusalā dhammā”ti. Dutiyaṁ.
3. Micchattavagga
Paṭhamapaṭipadāsutta