Navavidhena rūpasaṅgaho— Cakkhundriyaṁ, sotindriyaṁ, ghānindriyaṁ, jivhindriyaṁ, kāyindriyaṁ, itthindriyaṁ, purisindriyaṁ, jīvitindriyaṁ, yañca rūpaṁ na indriyaṁ. Evaṁ navavidhena rūpasaṅgaho. Navakaṁ. 2.2.2.10. Dasaka Dasavidhena rūpasaṅgaho— Cakkhundriyaṁ, sotindriyaṁ, ghānindriyaṁ, jivhindriyaṁ kāyindriyaṁ, itthindriyaṁ, purisindriyaṁ, jīvitindriyaṁ, na indriyaṁ rūpaṁ atthi sappaṭighaṁ, atthi appaṭighaṁ. Evaṁ dasavidhena rūpasaṅgaho. Dasakaṁ. 2.2.2.11. Ekādasaka Ekādasavidhena rūpasaṅgaho— Cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, rūpāyatanaṁ, saddāyatanaṁ, gandhāyatanaṁ, rasāyatanaṁ, phoṭṭhabbāyatanaṁ, yañca rūpaṁ anidassanaappaṭighaṁ dhammāyatanapariyāpannaṁ. Evaṁ ekādasavidhena rūpasaṅgaho. Ekādasakaṁ. Mātikā. 2 Niddesa 2.2 Rūpakaṇḍa 2.2.3. Rūpavibhatti 2.2.3.1. Ekakaniddesa