Katame dhammā kusalā? Yasmiṁ samaye rūpūpapattiyā maggaṁ bhāveti ajjhattaṁ arūpasaññī bahiddhā rūpāni passati appamāṇāni, tāni abhibhuyya jānāmi passāmīti vitakkavicārānaṁ vūpasamā …pe… dutiyaṁ jhānaṁ …pe… tatiyaṁ jhānaṁ …pe… catutthaṁ jhānaṁ …pe… paṭhamaṁ jhānaṁ …pe… pañcamaṁ jhānaṁ upasampajja viharati dukkhapaṭipadaṁ dandhābhiññaṁ parittaṁ appamāṇārammaṇaṁ …pe… dukkhapaṭipadaṁ dandhābhiññaṁ appamāṇaṁ appamāṇārammaṇaṁ …pe… dukkhapaṭipadaṁ khippābhiññaṁ parittaṁ appamāṇārammaṇaṁ …pe… dukkhapaṭipadaṁ khippābhiññaṁ appamāṇaṁ appamāṇārammaṇaṁ …pe… sukhapaṭipadaṁ dandhābhiññaṁ parittaṁ appamāṇārammaṇaṁ …pe… sukhapaṭipadaṁ dandhābhiññaṁ appamāṇaṁ appamāṇārammaṇaṁ …pe… sukhapaṭipadaṁ khippābhiññaṁ parittaṁ appamāṇārammaṇaṁ …pe… sukhapaṭipadaṁ khippābhiññaṁ appamāṇaṁ appamāṇārammaṇaṁ, tasmiṁ samaye phasso hoti …pe… avikkhepo hoti …pe… ime dhammā kusalā. Aparampi aṭṭhakkhattukaṁ. 2.1.2.16. Idampi aṭṭhakkhattukaṁ Katame dhammā kusalā? Yasmiṁ samaye rūpūpapattiyā maggaṁ bhāveti ajjhattaṁ arūpasaññī bahiddhā rūpāni passati appamāṇāni suvaṇṇadubbaṇṇāni, tāni abhibhuyya jānāmi passāmīti vivicceva kāmehi …pe… paṭhamaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe… ime dhammā kusalā. Katame dhammā kusalā? Yasmiṁ samaye rūpūpapattiyā maggaṁ bhāveti ajjhattaṁ arūpasaññī bahiddhā rūpāni passati appamāṇāni suvaṇṇadubbaṇṇāni, tāni abhibhuyya jānāmi passāmīti vitakkavicārānaṁ vūpasamā …pe… dutiyaṁ jhānaṁ …pe… tatiyaṁ jhānaṁ …pe… catutthaṁ jhānaṁ …pe… paṭhamaṁ jhānaṁ …pe… pañcamaṁ jhānaṁ upasampajja viharati, tasmiṁ samaye phasso hoti …pe… avikkhepo hoti …pe… ime dhammā kusalā. Idampi aṭṭhakkhattukaṁ. 2.1.2.17. Imānipi abhibhāyatanāni soḷasakkhattukāni.