อังคุตตรนิกาย จตุกกนิบาต
บาลีสยามรัฐ · เล่ม ๒๑ · หน้า ๑๖ · ข้อ 11
เข้าสู่ระบบเพื่อคั่นหน้า

กามโยเคน สํยุตฺตา ภวโยเคน จูภยํ

ทิฏฺฐิโยเคน สํยุตฺตา อวิชฺชาย ปุรกฺขตา

สตฺตา คจฺฉนฺติ สํสารํ ชาติมรณคามิโน ฯ

เย จ กาเม ปริญฺญาย ภวโยคญฺจ สพฺพโส

ทิฏฺฐิโยคํ สมูหจฺจ อวิชฺชญฺจ วิราชยํ

สพฺพโยควิสํยุตฺตา เต เว โยคาติคา ๑ มุนีติ ฯ

ภณฺฑคามวคฺโค ปฐโม

ตสฺสุทฺทานํ

อนุพุทฺธํ ปปติตํ เทฺวขตํ อนุโสตปญฺจมํ

อปฺปสฺสุโต จ โสเภนฺติ (เวสารชฺชํ) ตณฺหาโยเคน เต ทสาติ ฯ

_____________

จรวคฺโค ทุติโย

[๑๑] จรโต เจปิ ภิกฺขเว ภิกฺขุโน อุปฺปชฺชติ กามวิตกฺโก วา พฺยาปาทวิตกฺโก วา วิหึสาวิตกฺโก วา ตญฺจ ๒ ภิกฺขุ อธิวาเสติ นปฺปชหติ น วิโนเทติ น พฺยนฺตีกโรติ น อนภาวํ คเมติ จรมฺปิ ภิกฺขเว ภิกฺขุ เอวํภูโต อนาตาปี อโนตฺตปฺปี สตตํ สมิตํ กุสีโต หีนวิริโยติ วุจฺจติ ฯ ฐิตสฺส เจปิ ภิกฺขเว ภิกฺขุโน อุปฺปชฺชติ กามวิตกฺโก วา พฺยาปาทวิตกฺโก วา วิหึสาวิตกฺโก วา ตญฺจ ๒ ภิกฺขุ อธิวาเสติ นปฺปชหติ น วิโนเทติ น พฺยนฺตีกโรติ น อนภาวํ คเมติ ฐิโตปิ ภิกฺขเว ภิกฺขุ เอวํภูโต อนาตาปี อโนตฺตปฺปี สตตํ สมิตํ #๑ ยุ. โยคาติคามิโนติ ฯ ๒ โป. ม. ยุ. ตญฺเจ ฯ

หัวข้อ (สรุปโดย AI) โยคสูตรและวิสังโยคสูตร
เข้าสู่ระบบเพื่อบันทึกความคืบหน้า
เข้าสู่ระบบเพื่อรับ ๒๐ แต้มบุญจากการอ่านหน้านี้