โย จ เมตฺตํ ภาวยติ อปฺปมาณํ ปฏิสฺสโต

ตนู สํโยชนา โหนฺติ ปสฺสโต อุปธิกฺขยํ

เอกมฺปิ เจ ปาณมทุฏฺฐจิตฺโต

เมตฺตายติ กุสลํ ๑ เตน โหติ

สพฺเพว ปาเณ มนสานุกมฺปิ

ปหูตมริโย จ ๒ กโรติ ปุญฺญํ

เย สตฺตสณฺฑํ ปฐวึ ชินิตฺวา

ราชิสฺสโย ยชมานานุจริยคา

สสฺสเมธํ ปุริสเมธํ

สมฺมาปาสํ วาชเปยฺยํ นิรคฺคฬํ

เมตฺตสฺส จิตฺตสฺส สุภาวิตสฺส

กลมฺปิ เต นานุภวนฺติ โสฬสึ

จนฺทปฺปภา ตารคณาว สพฺเพ

(๓)-

โย น หนติ น ฆาเตติ น ชินาติ น ชาปเย

เมตฺตโส สพฺพภูตานํ เวรนฺตสฺส น เกนจีติ ฯ

[๙๒] ๒ อฏฺฐิเม ภิกฺขเว เหตุ อฏฺฐ ปจฺจยา อาทิพฺรหฺมจริยิกาย ปญฺญาย อปฺปฏิลทฺธาย ปฏิลาภาย ปฏิลทฺธาย ภิยฺโยภาวาย เวปุลฺลาย ภาวนาย ปาริปูริยา สํวตฺตนฺติ ฯ กตเม อฏฺฐ อิธ ภิกฺขเว ภิกฺขุ สตฺถารํ อุปนิสฺสาย วิหรติ อญฺญตรํ วา ครุฏฺฐานิยํ สพฺรหฺมจารึ ยตฺถสฺส ติพฺพํ หิโรตฺตปฺปํ ปจฺจุปฏฺฐิตํ โหติ เปมญฺจ คารโว จ #๑ ม. กสลิ ฯ ๒ ม. ปกโรติ ฯ ๓ ม. ยถา น อคฺฆนฺติ กลมฺปิ โสฬสึ ฯ