สเจ ปโหสีติ ส เกน วาทํ ปฏิสญฺญุเชยฺย ฯ เตนาห ภควา

สจฺจนฺติ โส พฺราหฺมโณ กึ วเทยฺย

มุสาติ วา โส วิวเทถ เกน

ยสฺมึ สมํ วิสมํ วาปิ นตฺถิ

ส เกน วาทํ ปฏิสญฺญุเชยฺยาติ ฯ

[๓๕๙] โอกมฺปหาย อนิเกตสารี

กาเม อกุพฺพํ มุนิ สนฺถวานี

กาเมหิ ริตฺโต อปุเรกฺขราโน

กถํ น วิคฺคยฺห ชเนน กยิรา ฯ

[๓๖๐] อถ โข หาลินฺทกานิ คหปติ เยนายสฺมา มหากจฺจาโน เตนุปสงฺกมิ อุปสงฺกมิตฺวา อายสฺมนฺตํ มหากจฺจานํ อภิวาเทตฺวา เอกมนฺตํ นิสีทิ เอกมนฺตํ นิสินฺโน โข หาลินฺทกานิ คหปติ อายสฺมนฺตํ มหากจฺจานํ เอตทโวจ วุตฺตมิทํ ภนฺเต กจฺจาน ภควตา อฏฺฐกวคฺคิเก มาคนฺทิยปเญฺห

โอกมฺปหาย อนิเกตสารี

กาเม อกุพฺพํ มุนิ สนฺถวานี

กาเมหิ ริตฺโต อปุเรกฺขราโน

กถํ น วิคฺคยฺห ชเนน กยิราติ ฯ

อิมสฺส นุ โข ภนฺเต กจฺจาน ภควตา สงฺขิตฺเตน ภาสิตสฺส กถํ อตฺโถ วิตฺถาเรน ทฏฺฐพฺโพติ ฯ รูปธาตุ โข คหปติ วิญฺญาณสฺส