[๖๑๙] ภวูปนีตา กุสลาวทานาติ ภวูปนีตาติ ภวูปนีตา ภวูปคตา ภวชฺโฌสิตา ภวาธิมุตฺตาติ ภวูปนีตา ฯ กุสลาวทานาติ กุสลวาทา ปณฺฑิตวาทา ธีรวาทา ญาณวาทา เหตุวาทา ลกฺขณวาทา การณวาทา ฐานวาทา สกาย ลทฺธิยาติ ภวูปนีตา กุสลาวทานา ฯ เตนาห ภควา

สีลุตฺตมา สญฺญเมนาหุ สุทฺธึ

วตฺตํ สมาทาย อุปฏฺฐิตาเส

อิเธว สิกฺเขม อถสฺส สุทฺธึ|

ภวูปนีตา กุสลาวทานาติ ฯ

[๖๒๐] สเจ จุโต สีลวตาโต ๑ โหติ

ส เวธตี ๒ กมฺม วิราธยิตฺวา

ส ชปฺปตี ๓ ปตฺถยตี จ สุทฺธึ

สตฺถาวหีโน ปวสํ ฆรมฺหา ฯ

[๖๒๑] สเจ จุโต สีลวตาโต โหตีติ ทฺวีหิ การเณหิ สีลพฺพตโต จวติ ปรวิจฺฉินฺทนาย วา จวติ อนภิสมฺภุณนฺโต วา จวติ ฯ

กถํ ปรวิจฺฉินฺทนาย จวติ ฯ ปโร วิจฺฉินฺทติ โส สตฺถา น สพฺพญฺญู ธมฺโม น สฺวากฺขาโต คโณ น สุปฏิปนฺโน ทิฏฺฐิ น ภทฺทิกา ปฏิปทา น สุปญฺญตฺตา มคฺโค น นิยฺยานิโก นตฺเถตฺถ สุทฺธิ วา วิสุทฺธิ วา ปริสุทฺธิ วา มุตฺติ วา วิมุตฺติ วา #๑ โป. ม. สีลวตโต ฯ ๒ ปเวธตีติปิ ปาโฐ ฯ ๓ ปชปฺปตีติปิ ปาโฐ ฯ