สานุสโยติ: อามนฺตา ฯเปฯ

[๑๒๙๗] โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ สานุสโย โส ภวราคานุสเยน ฯเปฯ อวิชฺชานุสเยน สานุสโยติ: อามนฺตา ฯ โย วา ปน อวิชฺชานุสเยน สานุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ สานุสโยติ: อนาคามี อวิชฺชานุสเยน จ มานานุสเยน จ สานุสโย โน จ กามราคานุสเยน จ ปฏิฆานุสเยน จ ทิฏฺฐานุสเยน จ วิจิกิจฺฉานุสเยน จ สานุสโย เทฺว ปุคฺคลา อวิชฺชานุสเยน จ กามราคานุสเยน จ ปฏิฆานุสเยน จ มานานุสเยน จ สานุสยา โน จ ทิฏฺฐานุสเยน จ วิจิกิจฺฉานุสเยน จ สานุสยา ปุถุชฺชโน อวิชฺชานุสเยน จ สานุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ สานุสโย ฯ

[๑๒๙๘] โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ สานุสโย โส อวิชฺชานุสเยน สานุสโยติ: อามนฺตา ฯ โย วา ปน อวิชฺชานุสเยน สานุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ สานุสโยติ: อนาคามี อวิชฺชานุสเยน จ มานานุสเยน จ ภวราคานุสเยน จ สานุสโย โน จ กามราคานุสเยน จ ปฏิฆานุสเยน จ