ปชหนฺติ ฯ โย วา ปน ยโต วิจิกิจฺฉานุสยํ นปฺปชหติ โส ตโต กามราคานุสยญฺจ ปฏิฆานุสยญฺจ นปฺปชหตีติ: อนาคามิมคฺคสมงฺคี ทุกฺขาย เวทนาย โส ตโต วิจิกิจฺฉานุสยญฺจ กามราคานุสยญฺจ นปฺปชหติ โน จ โส ตโต ปฏิฆานุสยํ นปฺปชหติ โสว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสยญฺจ ปฏิฆานุสยญฺจ นปฺปชหติ โน จ โส ตโต กามราคานุสยํ นปฺปชหติ โสว ปุคฺคโล รูปธาตุยา อรูปธาตุยา อปริยาปนฺเน โส ตโต วิจิกิจฺฉานุสยญฺจ นปฺปชหติ กามราคานุสยญฺจ ปฏิฆานุสยญฺจ นปฺปชหติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ วิจิกิจฺฉานุสยญฺจ นปฺปชหนฺติ กามราคานุสยญฺจ ปฏิฆานุสยญฺจ นปฺปชหนฺติ ฯ โย ยโต กามราคานุสยญฺจ ปฏิฆานุสยญฺจ นปฺปชหติ โส ตโต ภวราคานุสยํ นปฺปชหตีติ: อคฺคมคฺคสมงฺคี รูปธาตุยา อรูปธาตุยา โส ตโต กามราคานุสยญฺจ ปฏิฆานุสยญฺจ นปฺปชหติ โน จ โส ตโต ภวราคานุสยํ นปฺปชหติ โสว ปุคฺคโล กามธาตุยา ตีสุ เวทนาสุ อปริยาปนฺเน โส ตโต กามราคานุสยญฺจ ปฏิฆานุสยญฺจ นปฺปชหติ ภวราคานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ กามราคานุสยญฺจ ปฏิฆานุสยญฺจ นปฺปชหนฺติ ภวราคานุสยญฺจ นปฺปชหนฺติ ฯ โย วา ปน ยโต ภวราคานุสยํ นปฺปชหติ โส ตโต กามราคานุสยญฺจ ปฏิฆานุสยญฺจ นปฺปชหตีติ: อนาคามิมคฺคสมงฺคี
