[๔๗๔] นวิปฺปยุตฺตปจฺจยา นเหตุปจฺจยา นอธิปติปจฺจยา นปุเรชาต- ปจฺจยา นปจฺฉาชาตปจฺจยา นอาเสวนปจฺจยมูลกมฺปิ นเหตุมูลกสทิสํ ฯ นกมฺมปจฺจยา นวิปากปจฺจยา นมคฺคปจฺจยา อิมานิ ตีณิ มูลานิ เอกสทิสานิ ฯ ... อารมฺมเณ เอกํ อนนฺตเร เอกํ สมนนฺตเร เอกํ สหชาเต เอกํ อญฺญมญฺเญ เอกํ นิสฺสเย เอกํ อุปนิสฺสเย เอกํ อาหาเร เอกํ อินฺทฺริเย เอกํ ฌาเน เอกํ สมฺปยุตฺเต เอกํ อตฺถิยา เอกํ นตฺถิยา เอกํ วิคเต เอกํ อวิคเต เอกํ ฯ

ปจฺจนียานุโลมํ นิฏฺฐิตํ ฯ

สํสฏฺฐวาโร นิฏฺฐิโต ฯ

สมฺปยุตฺตวาโร

[๔๗๕] กุสลํ ธมฺมํ สมฺปยุตฺโต กุสโล ธมฺโม อุปฺปชฺชติ เหตุปจฺจยา กุสลํ เอกํ ขนฺธํ สมฺปยุตฺตา ตโย ขนฺธา ตโย ขนฺเธ สมฺปยุตฺโต เอโก ขนฺโธ เทฺว ขนฺเธ สมฺปยุตฺตา เทฺว ขนฺธา ฯ

[๔๗๖] อกุสลํ ธมฺมํ สมฺปยุตฺโต อกุสโล ธมฺโม อุปฺปชฺชติ เหตุปจฺจยา อกุสลํ เอกํ ขนฺธํ สมฺปยุตฺตา ตโย ขนฺธา ตโย ขนฺเธ สมฺปยุตฺโต เอโก ขนฺโธ เทฺว ขนฺเธ สมฺปยุตฺตา เทฺว ขนฺธา ฯ

[๔๗๗] อพฺยากตํ ธมฺมํ สมฺปยุตฺโต อพฺยากโต ธมฺโม อุปฺปชฺชติ เหตุปจฺจยา วิปากาพฺยากตํ กิริยาพฺยากตํ เอกํ ขนฺธํ สมฺปยุตฺตา ตโย ขนฺธา ตโย ขนฺเธ สมฺปยุตฺโต เอโก ขนฺโธ เทฺว ขนฺเธ