[๑๓๔๓] เหตุปจฺจยา นอารมฺมเณ ปญฺจ ... นอธิปติยา สตฺตรส ฯ สงฺขิตฺตํ ฯ ... โนวิคเต ปญฺจ ฯ ยถา กุสลตฺติเก อนุโลมปจฺจนียคณนา เอวํ คเณตพฺพํ ฯ

อนุโลมปจฺจนียํ นิฏฺฐิตํ ฯ

[๑๓๔๔] นเหตุปจฺจยา อารมฺมเณ สตฺต ... อนนฺตเร สตฺต สมนนฺตเร สตฺต ฯเปฯ ... อวิคเต ทฺวาทส ฯ นเหตุปจฺจยา นอารมฺมณปจฺจยา สหชาเต ตีณิ ... อญฺญมญฺเญ เทฺว ฯ สงฺขิตฺตํ ฯ ... อวิคเต ตีณิ ฯ ยถา กุสลตฺติเก ปจฺจนียานุโลมคณนา เอวํ คเณตพฺพํ ฯ

ปจฺจนียานุโลมํ นิฏฺฐิตํ ฯ

ปจฺจยวาโร นิฏฺฐิโต ฯ

นิสฺสยวาโร

[๑๓๔๕] วิปากํ ธมฺมํ นิสฺสาย วิปาโก ธมฺโม อุปฺปชฺชติ เหตุปจฺจยา วิปากํ เอกํ ขนฺธํ นิสฺสาย ตโย ขนฺธา ฯ

[๑๓๔๖] เหตุยา สตฺตรส ฯ นเหตุยา ทฺวาทส ... โนวิคเต ปญฺจ ฯ เหตุปจฺจยา นอารมฺมเณ ปญฺจ ... นวิปฺปยุตฺเต ตีณิ ฯ นเหตุปจฺจยา อารมฺมเณ สตฺต ... อวิคเต ทฺวาทส ฯ

นิสฺสยวาโร นิฏฺฐิโต ฯ