อญฺญมญฺญนิสฺสยวิปากอินฺทฺริยสมฺปยุตฺตอตฺถิอวิคตนฺติ เทฺว ฯ
สมฺปยุตฺตมูลกํ
[๑๒๑๗] สมฺปยุตฺตปจฺจยา เหตุยา ตีณิ ... อธิปติยา ตีณิ สหชาเต ตีณิ อญฺญมญฺเญ ตีณิ นิสฺสเย ตีณิ กมฺเม ตีณิ วิปาเก ตีณิ อาหาเร ตีณิ อินฺทฺริเย ตีณิ ฌาเน ตีณิ มคฺเค ตีณิ อตฺถิยา ตีณิ อวิคเต ตีณิ ฯ
[๑๒๑๘] สมฺปยุตฺตสหชาตอญฺญมญฺญนิสฺสยอตฺถิอวิคตนฺติ ตีณิ ฯ สมฺปยุตฺตสหชาตอญฺญมญฺญนิสฺสยวิปากอตฺถิอวิคตนฺติ ตีณิ ฯ อตฺถิปจฺจยา นตฺถิปจฺจยา วิคตปจฺจยา อวิคตปจฺจยา ฯ
ปญฺหาวารสฺส อนุโลมํ นิฏฺฐิตํ ฯ
[๑๒๑๙] สุขาย เวทนาย สมฺปยุตฺโต ธมฺโม สุขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย ... สหชาตปจฺจเยน ปจฺจโย ... อุปนิสฺสยปจฺจเยน ปจฺจโย ... กมฺมปจฺจเยน ปจฺจโย ฯ
[๑๒๒๐] สุขาย เวทนาย สมฺปยุตฺโต ธมฺโม ทุกฺขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย ... อุปนิสฺสยปจฺจเยน ปจฺจโย ... กมฺมปจฺจเยน ปจฺจโย ฯ
[๑๒๒๑] สุขาย เวทนาย สมฺปยุตฺโต ธมฺโม อทุกฺขมสุขาย เวทนาย สมฺปยุตฺตสฺส ธมฺมสฺส อารมฺมณปจฺจเยน ปจฺจโย ... อุปนิสฺสยปจฺจเยน ปจฺจโย ... กมฺมปจฺจเยน ปจฺจโย ฯ