ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ
อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ
สเหตุกทุกกุสลตฺติกํ นิฏฺฐิตํ ฯ
______________
เหตุสมฺปยุตฺตทุกกุสลตฺติกํ
ปฏิจฺจวาโร
[๙๓๕] เหตุสมฺปยุตฺตํ กุสลํ ธมฺมํ ปฏิจฺจ เหตุสมฺปยุตฺโต กุสโล ธมฺโม อุปฺปชฺชติ เหตุปจฺจยา: ฯ
[๙๓๖] เหตุยา เอกํ อารมฺมเณ เอกํ อธิปติยา เอกํ อวิคเต เอกํ ฯ
[๙๓๗] นอธิปติยา เอกํ นปุเรชาเต เอกํ นปจฺฉาชาเต เอกํ นอาเสวเน เอกํ นกมฺเม เอกํ นวิปาเก เอกํ นวิปฺปยุตฺเต เอกํ ฯ
[๙๓๘] เหตุปจฺจยา นอธิปติยา เอกํ ฯ
[๙๓๙] นอธิปติปจฺจยา เหตุยา เอกํ ฯ
สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ
สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ
ปญฺหาวาโร
[๙๔๐] เหตุสมฺปยุตฺโต กุสโล ธมฺโม เหตุสมฺปยุตฺตสฺส กุสลสฺส ธมฺมสฺส เหตุปจฺจเยน ปจฺจโย: ฯ