(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.) Sahetukadukakusalattikaṁ niṭṭhitaṁ. 3.2.3. Hetusampayuttaduka, Kusalattika 3.2.3.1. Kusalapada 3.2.3.1.1–6 Paṭiccādivāra Paccayacatukka Hetu Hetusampayuttaṁ kusalaṁ dhammaṁ paṭicca hetusampayutto kusalo dhammo uppajjati hetupaccayā. (Saṅkhittaṁ.) Hetuyā ekaṁ, ārammaṇe ekaṁ, adhipatiyā ekaṁ …pe… avigate ekaṁ. (Saṅkhittaṁ.) Paccanīya Naadhipatiyā ekaṁ, napurejāte ekaṁ, napacchājāte ekaṁ, naāsevane ekaṁ, nakamme ekaṁ, navipāke ekaṁ, navippayutte ekaṁ. (Saṅkhittaṁ.) Hetupaccayā naadhipatiyā ekaṁ. (Saṅkhittaṁ.) Naadhipatipaccayā hetuyā ekaṁ. (Saṅkhittaṁ.) (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.) 3.2.3.1.7. Pañhāvāra Paccayacatukka Hetu Hetusampayutto kusalo dhammo hetusampayuttassa kusalassa dhammassa hetupaccayena paccayo. (Saṅkhittaṁ.)