อรณสฺส ธมฺมสฺส อารมฺมณปจฺจเยน ปจฺจโย: ฯ นอนิทสฺสนสปฺปฏิโฆ นอรโณ ธมฺโม อนิทสฺสนอปฺปฏิฆสฺส อรณสฺส ธมฺมสฺส อารมฺมณปจฺจเยน ปจฺจโย: ฯ

[๘๙๖] เหตุยา เอกวีส อารมฺมเณ ตีณิ อวิคเต เอกวีส ฯ

ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ

อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ

ปจฺจนียานุโลมติกทุกปฏฺฐานํ นิฏฺฐิตํ ฯ

_____________________

ปจฺจนียานุโลมติกตฺติกปฏฺฐานํ

นกุสลตฺติกนเวทนาตฺติเก กุสลตฺติกเวทนาตฺติกํ

[๘๙๗] นกุสลํ นสุขายเวทนายสมฺปยุตฺตํ ธมฺมํ ปฏิจฺจ อกุสโล สุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: นกุสลํ นสุขายเวทนายสมฺปยุตฺตํ ธมฺมํ ปฏิจฺจ อพฺยากโต สุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: เทฺว ฯ นอกุสลํ นสุขายเวทนายสมฺปยุตฺตํ ธมฺมํ ปฏิจฺจ กุสโล สุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: นอกุสลํ นสุขายเวทนายสมฺปยุตฺตํ ธมฺมํ ปฏิจฺจ อพฺยากโต สุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: เทฺว ฯ นอพฺยากตํ นสุขายเวทนายสมฺปยุตฺตํ ธมฺมํ ปฏิจฺจ กุสโล สุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: นอพฺยากตํ นสุขายเวทนายสมฺปยุตฺตํ