“Catasso imā, bhikkhave, pabhā. Katamā catasso? Candappabhā, sūriyappabhā, aggippabhā, paññāpabhā— imā kho, bhikkhave, catasso pabhā. Etadaggaṁ, bhikkhave, imāsaṁ catunnaṁ pabhānaṁ yadidaṁ paññāpabhā”ti. Dutiyaṁ.
15. Ābhāvagga
Ālokasutta “Cattārome, bhikkhave, ālokā. Katame cattāro? Candāloko, sūriyāloko, aggāloko, paññāloko— Ime kho, bhikkhave, cattāro ālokā. Etadaggaṁ, bhikkhave, imesaṁ catunnaṁ ālokānaṁ yadidaṁ paññāloko”ti. Tatiyaṁ.
15. Ābhāvagga
Obhāsasutta “Cattārome, bhikkhave, obhāsā. Katame cattāro? Candobhāso, sūriyobhāso, aggobhāso, paññobhāso— Ime kho, bhikkhave, cattāro obhāsā. Etadaggaṁ, bhikkhave, imesaṁ catunnaṁ obhāsānaṁ yadidaṁ paññobhāso”ti. Catutthaṁ.
15. Ābhāvagga
Pajjotasutta “Cattārome, bhikkhave, pajjotā. Katame cattāro? Candapajjoto, sūriyapajjoto, aggipajjoto, paññāpajjoto— Ime kho, bhikkhave, cattāro pajjotā. Etadaggaṁ, bhikkhave, imesaṁ catunnaṁ pajjotānaṁ yadidaṁ paññāpajjoto”ti. Pañcamaṁ.
15. Ābhāvagga
Paṭhamakālasutta “Cattārome, bhikkhave, kālā. Katame cattāro? Kālena dhammassavanaṁ, kālena dhammasākacchā, kālena sammasanā, kālena vipassanā— Ime kho, bhikkhave, cattāro kālā”ti. Chaṭṭhaṁ.
15. Ābhāvagga
Dutiyakālasutta