Katamo ca, bhikkhave, catuttho samaṇo? Idha, bhikkhave, bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati. Ayaṁ, bhikkhave, catuttho samaṇo. ‘Idheva, bhikkhave, paṭhamo samaṇo, idha dutiyo samaṇo, idha tatiyo samaṇo, idha catuttho samaṇo; suññā parappavādā samaṇebhi aññehī’ti— evametaṁ, bhikkhave, sammā sīhanādaṁ nadathā”ti. Dasamaṁ.

24. Kammavagga

Sappurisānisaṁsasutta “Sappurisaṁ, bhikkhave, nissāya cattāro ānisaṁsā pāṭikaṅkhā. Katame cattāro? Ariyena sīlena vaḍḍhati, ariyena samādhinā vaḍḍhati, ariyāya paññāya vaḍḍhati, ariyāya vimuttiyā vaḍḍhati— sappurisaṁ, bhikkhave, nissāya ime cattāro ānisaṁsā pāṭikaṅkhā”ti. Ekādasamaṁ. Kammavaggo catuttho. Tassuddānaṁ Saṅkhitta vitthāra soṇakāyana, Sikkhāpadaṁ ariyamaggo bojjhaṅgaṁ; Sāvajjañceva abyābajjhaṁ, Samaṇo ca sappurisānisaṁsoti.

25. Āpattibhayavagga

Saṅghabhedakasutta