เยสํ ธมฺมา สุสมฺมุฏฺฐา ปรวาเทสุ นียเร

สุตฺตา เต นปฺปพุชฺฌนฺติ กาโล เตสํ ปพุชฺฌิตุนฺติ ฯ

[๑๘] เยสํ ธมฺมา อสมฺมุฏฺฐา ปรวาเทสุ น นียเร

สมฺพุทฺธา สมฺมทญฺญาย จรนฺติ วิสเม สมนฺติ ฯ

นวมํ มานกามสุตฺตํ

[๑๙] เอกมนฺตํ ฐิตา โข สา เทวตา ภควโต สนฺติเก อิมํ คาถํ อภาสิ

น มานกามสฺส ทโม อิธตฺถิ ๑

น โมนมตฺถิ อสมาหิตสฺส

เอโก อรญฺเญ วิหรมฺปมตฺโต

น มจฺจุเธยฺยสฺส ตเรยฺย ๒ ปารนฺติ ๓

[๒๐] มานํ ปหาย สุสมาหิตตฺโต

สุเจตโส สพฺพธิ วิปฺปมุตฺโต ๔

เอโก อรญฺเญ วิหรํ อปฺปมตฺโต

ส มจฺจุเธยฺยสฺส ตเรยฺย ปารนฺติ ฯ

ทสมํ อรญฺญสุตฺตํ

[๒๑] เอกมนฺตํ ฐิตา โข สา เทวตา ภควนฺตํ คาถาย อชฺฌภาสิ #๑ สี. มานิกามสฺส ทโม อิทตฺถิ ฯ ๒ สี. ตรนฺติ ฯ ๓ สี. ปาเรนฺตีติปิ #ปเรสฺสนฺตีติปิ ปาโฐ ฯ ๔ ม. วิปฺปยุตฺโต ฯ