[๒๕๕] เย เม วุตฺเต สตฺถิปเท [เวณฺฑูติ ภควา] อนุสิกฺขนฺติ ฌายิโน

กาเล เต อปฺปมชฺชนฺตา น มจฺจุวสคา ๑ สิยุนฺติ ฯ

ตติยํ ทีฆลฏฺฐิสุตฺตํ

[๒๕๖] เอวมฺเม สุตํ เอกํ สมยํ ภควา ราชคเห วิหรติ เวฬุวเน กลนฺทกนิวาเป ฯ อถ โข ทีฆลฏฺฐิ เทวปุตฺโต อภิกฺกนฺตาย รตฺติยา อภิกฺกนฺตวณฺโณ เกวลกปฺปํ เวฬุวนํ โอภาเสตฺวา เยน ภควา เตนุปสงฺกมิ อุปสงฺกมิตฺวา ภควนฺตํ อภิวาเทตฺวา เอกมนฺตํ อฏฺฐาสิ ฯ

[๒๕๗] เอกมนฺตํ ฐิโต โข ทีฆลฏฺฐิ เทวปุตฺโต ภควโต สนฺติเก อิมํ คาถํ อภาสิ ๒

ภิกฺขุ สิยา ฌายิ วิมุตฺตจิตฺโต

อากงฺเข เว ๓ หทยสฺสานุปตฺตึ

โลกสฺส ญตฺวา อุทยพฺพยญฺจ

สุเจตโส อนิสฺสิโต ตทานิสํโสติ ฯ

จตุตฺถํ นนฺทนสุตฺตํ

[๒๕๘] เอกมนฺตํ ฐิโต โข นนฺทโน เทวปุตฺโต ภควนฺตํ คาถาย อชฺฌภาสิ

ปุจฺฉามิ ตํ โคตม ภูริปญฺญ

อนาวฏํ ภควโต ญาณทสฺสนํ

#๑ โป. ยุ. มจฺจุวสงฺคา ฯ ๒ สี. ภควนฺตํ คาถาย อชฺฌภาสิ ฯ ๓ ม. เจ. ฯ ยุ. จ. ฯ