อวิชฺชานุสเยน จ สานุสโย วิจิกิจฺฉานุสเยน จ สานุสโย ฯ

[๑๒๙๓] โย ภวราคานุสเยน สานุสโย โส อวิชฺชานุสเยน สานุสโยติ: อามนฺตา ฯ โย วา ปน อวิชฺชานุสเยน สานุสโย โส ภวราคานุสเยน สานุสโยติ: อามนฺตา ฯ

[๑๒๙๔] โย กามราคานุสเยน จ ปฏิฆานุสเยน จ สานุสโย โส มานานุสเยน สานุสโยติ: อามนฺตา ฯ โย วา ปน มานานุสเยน สานุสโย โส กามราคานุสเยน จ ปฏิฆานุสเยน จ สานุสโยติ: อนาคามี มานานุสเยน สานุสโย โน จ กามราคานุสเยน จ ปฏิฆานุสเยน จ สานุสโย ตโย ปุคฺคลา มานานุสเยน จ สานุสยา กามราคานุสเยน จ ปฏิฆานุสเยน จ สานุสยา ฯ โย กามราคานุสเยน จ ปฏิฆานุสเยน จ สานุสโย โส ทิฏฺฐานุสเยน ฯเปฯ วิจิกิจฺฉานุสเยน สานุสโยติ: เทฺว ปุคฺคลา กามราคานุสเยน จ ปฏิฆานุสเยน จ สานุสยา โน จ วิจิกิจฺฉานุสเยน สานุสยา ปุถุชฺชโน กามราคานุสเยน จ ปฏิฆานุสเยน จ สานุสโย วิจิกิจฺฉานุสเยน จ สานุสโย ฯ โย วา ปน วิจิกิจฺฉานุสเยน สานุสโย โส กามราคานุสเยน จ ปฏิฆานุสเยน จ สานุสโยติ: อามนฺตา ฯ โย กามราคานุสเยน จ ปฏิฆานุสเยน จ สานุสโย โส ภวราคานุสเยน ฯเปฯ อวิชฺชานุสเยน สานุสโยติ: อามนฺตา ฯ โย วา ปน อวิชฺชานุสเยน สานุสโย โส กามราคานุสเยน จ ปฏิฆานุสเยน จ สานุสโยติ: อนาคามี อวิชฺชานุสเยน สานุสโย โน จ กามราคานุสเยน