ทิฏฺฐานุสเยน จ วิจิกิจฺฉานุสเยน จ สานุสโย เทฺว ปุคฺคลา อวิชฺชานุสเยน จ กามราคานุสเยน จ ปฏิฆานุสเยน จ มานานุสเยน จ ภวราคานุสเยน จ สานุสยา โน จ ทิฏฺฐานุสเยน จ วิจิกิจฺฉานุสเยน จ สานุสยา ปุถุชฺชโน อวิชฺชานุสเยน จ สานุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ สานุสโย ฯ

[๑๒๙๙] ยโต กามราคานุสเยน สานุสโย ตโต ปฏิฆานุสเยน สานุสโยติ: โน ฯ ยโต วา ปน ปฏิฆานุสเยน สานุสโย ตโต กามราคานุสเยน สานุสโยติ: โน ฯ ยโต กามราคานุสเยน สานุสโย ตโต มานานุสเยน สานุสโยติ: อามนฺตา ฯ ยโต วา ปน มานานุสเยน สานุสโย ตโต กามราคานุสเยน สานุสโยติ: รูปธาตุยา อรูปธาตุยา ตโต มานานุสเยน สานุสโย โน จ ตโต กามราคานุสเยน สานุสโย กามธาตุยา ทฺวีสุ เวทนาสุ ตโต มานานุสเยน จ สานุสโย กามราคานุสเยน จ สานุสโย ฯ ยโต กามราคานุสเยน สานุสโย ตโต ทิฏฺฐานุสเยน ฯเปฯ วิจิกิจฺฉานุสเยน สานุสโยติ: อามนฺตา ฯ ยโต วา ปน วิจิกิจฺฉานุสเยน สานุสโย ตโต กามราคานุสเยน สานุสโยติ: ทุกฺขาย เวทนาย รูปธาตุยา อรูปธาตุยา ตโต วิจิกิจฺฉานุสเยน สานุสโย โน จ ตโต กามราคานุสเยน สานุสโย กามธาตุยา ทฺวีสุ เวทนาสุ ตโต วิจิกิจฺฉานุสเยน จ สานุสโย กามราคานุสเยน จ สานุสโย ฯ ยโต กามราคานุสเยน สานุสโย ตโต