ปฏิฆานุสเยน จ นิรนุสยา โน จ เต ตโต กามราคานุสเยน นิรนุสยา เตว ปุคฺคลา อปริยาปนฺเน เต ตโต ภวราคานุสเยน จ นิรนุสยา กามราคานุสเยน จ ปฏิฆานุสเยน จ นิรนุสยา อรหา สพฺพตฺถ ภวราคานุสเยน จ นิรนุสโย กามราคานุสเยน จ ปฏิฆานุสเยน จ นิรนุสโย ฯ โย ยโต กามราคานุสเยน จ ปฏิฆานุสเยน จ นิรนุสโย โส ตโต อวิชฺชานุสเยน นิรนุสโยติ: ตโย ปุคฺคลา รูปธาตุยา อรูปธาตุยา เต ตโต กามราคานุสเยน จ ปฏิฆานุสเยน จ นิรนุสยา โน จ เต ตโต อวิชฺชานุสเยน นิรนุสยา เตว ปุคฺคลา อปริยาปนฺเน เต ตโต กามราคานุสเยน จ ปฏิฆานุสเยน จ นิรนุสยา อวิชฺชานุสเยน จ นิรนุสยา อนาคามี กามธาตุยา ตีสุ เวทนาสุ รูปธาตุยา อรูปธาตุยา โส ตโต กามราคานุสเยน จ ปฏิฆานุสเยน จ นิรนุสโย โน จ โส ตโต อวิชฺชานุสเยน นิรนุสโย โสว ปุคฺคโล อปริยาปนฺเน โส ตโต กามราคานุสเยน จ ปฏิฆานุสเยน จ นิรนุสโย อวิชฺชานุสเยน จ นิรนุสโย อรหา สพฺพตฺถ กามราคานุสเยน จ ปฏิฆานุสเยน จ นิรนุสโย อวิชฺชานุสเยน จ นิรนุสโย ฯ โย วา ปน ยโต อวิชฺชานุสเยน นิรนุสโย โส ตโต กามราคานุสเยน จ ปฏิฆานุสเยน จ นิรนุสโยติ: อามนฺตา ฯ

[๑๓๕๐] โย ยโต กามราคานุสเยน จ ปฏิฆานุสเยน จ มานานุสเยน จ นิรนุสโย โส ตโต ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: อามนฺตา ฯ โย วา ปน ยโต วิจิกิจฺฉานุสเยน นิรนุสโย