ปริญฺญาวาโร

[๑๔๒๐] โย กามราคานุสยํ ปริชานาติ โส ปฏิฆานุสยํ ปริชานาตีติ: อามนฺตา ฯ โย วา ปน ปฏิฆานุสยํ ปริชานาติ โส กามราคานุสยํ ปริชานาตีติ: อามนฺตา ฯ โย กามราคานุสยํ ปริชานาติ โส มานานุสยํ ปริชานาตีติ: ตเทกฏฺฐํ ปริชานาติ ฯ โย วา ปน มานานุสยํ ปริชานาติ โส กามราคานุสยํ ปริชานาตีติ: โน ฯ โย กามราคานุสยํ ปริชานาติ โส ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: โน ฯ โย วา ปน วิจิกิจฺฉานุสยํ ปริชานาติ โส กามราคานุสยํ ปริชานาตีติ: ตเทกฏฺฐํ ปริชานาติ ฯ โย กามราคานุสยํ ปริชานาติ โส ภวราคานุสยํ ฯเปฯ อวิชฺชานุสยํ ปริชานาตีติ: ตเทกฏฺฐํ ปริชานาติ ฯ โย วา ปน อวิชฺชานุสยํ ปริชานาติ โส กามราคานุสยํ ปริชานาตีติ: โน ฯ

[๑๔๒๑] โย ปฏิฆานุสยํ ปริชานาติ โส มานานุสยํ ปริชานาตีติ: ตเทกฏฺฐํ ปริชานาติ ฯ โย วา ปน มานานุสยํ ปริชานาติ โส ปฏิฆานุสยํ ปริชานาตีติ: โน ฯ โย ปฏิฆานุสยํ ปริชานาติ โส ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: โน ฯ โย วา ปน วิจิกิจฺฉานุสยํ ปริชานาติ โส ปฏิฆานุสยํ ปริชานาตีติ: ตเทกฏฺฐํ ปริชานาติ ฯ โย ปฏิฆานุสยํ ปริชานาติ โส ภวราคานุสยํ ฯเปฯ อวิชฺชานุสยํ ปริชานาตีติ: ตเทกฏฺฐํ ปริชานาติ ฯ โย วา ปน อวิชฺชานุสยํ ปริชานาติ โส ปฏิฆานุสยํ ปริชานาตีติ: โน ฯ