[๑๔๗๘] โย ยโต ทิฏฺฐานุสยํ น ปริชานาติ โส ตโต วิจิกิจฺฉานุสยํ น ปริชานาตีติ: อามนฺตา ฯ โย วา ปน ยโต วิจิกิจฺฉานุสยํ น ปริชานาติ โส ตโต ทิฏฺฐานุสยํ น ปริชานาตีติ: อามนฺตา ฯเปฯ

[๑๔๗๙] โย ยโต วิจิกิจฺฉานุสยํ น ปริชานาติ โส ตโต ภวราคานุสยํ น ปริชานาตีติ: อคฺคมคฺคสมงฺคี รูปธาตุยา อรูปธาตุยา่ โส ตโต วิจิกิจฺฉานุสยํ น ปริชานาติ โน จ โส ตโต ภวราคานุสยํ น ปริชานาติ โสว ปุคฺคโล กามธาตุยา ตีสุ เวทนาสุ อปริยาปนฺเน โส ตโต วิจิกิจฺฉานุสยญฺจ น ปริชานาติ ภวราคานุสยญฺจ น ปริชานาติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ วิจิกิจฺฉานุสยญฺจ น ปริชานนฺติ ภวราคานุสยญฺจ น ปริชานนฺติ ฯ โย วา ปน ยโต ภวราคานุสยํ น ปริชานาติ โส ตโต วิจิกิจฺฉานุสยํ น ปริชานาตีติ: อฏฺฐมโก กามธาตุยา ตีสุ เวทนาสุ รูปธาตุยา อรูปธาตุยา โส ตโต ภวราคานุสยํ น ปริชานาติ โน จ โส ตโต วิจิกิจฺฉานุสยํ น ปริชานาติ โสว ปุคฺคโล อปริยาปนฺเน โส ตโต ภวราคานุสยญฺจ น ปริชานาติ วิจิกิจฺฉานุสยญฺจ น ปริชานาติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ ภวราคานุสยญฺจ น ปริชานนฺติ วิจิกิจฺฉานุสยญฺจ น ปริชานนฺติ ฯ โย ยโต วิจิกิจฺฉานุสยํ น ปริชานาติ โส ตโต อวิชฺชานุสยํ น ปริชานาตีติ: อคฺคมคฺคสมงฺคี กามธาตุยา ตีสุ เวทนาสุ รูปธาตุยา อรูปธาตุยา โส ตโต