อวเสสา อินฺทฺริยา อินฺทฺริยา น อญฺญาตาวินฺทฺริยํ ฯ ทุกฺขํ อินฺทฺริยนฺติ: อามนฺตา ฯเปฯ โสมนสฺสํ อินฺทฺริยนฺติ: อามนฺตา ฯเปฯ โทมนสฺสํ อินฺทฺริยนฺติ: อามนฺตา ฯเปฯ อุเปกฺขา อินฺทฺริยนฺติ: ยา อุเปกฺขา อินฺทฺริยํ สา อุเปกฺขา เจว อินฺทฺริยญฺจ อวเสสา อุเปกฺขา น อินฺทฺริยํ ฯ อินฺทฺริยา จกฺขุนฺทฺริยนฺติ: จกฺขุนฺทฺริยํ อินฺทฺริยญฺเจว จกฺขุนฺทฺริยญฺจ อวเสสา อินฺทฺริยา อินฺทฺริยา น จกฺขุนฺทฺริยํ ฯเปฯ อุเปกฺขา อินฺทฺริยนฺติ: ยา อุเปกฺขา อินฺทฺริยํ สา อุเปกฺขา เจว อินฺทฺริยญฺจ อวเสสา อุเปกฺขา น อินฺทฺริยํ ฯ อินฺทฺริยา อญฺญาตาวินฺทฺริยนฺติ: อญฺญาตาวินฺทฺริยํ อินฺทฺริยญฺเจว อญฺญาตาวินฺทฺริยญฺจ อวเสสา อินฺทฺริยา อินฺทฺริยา น อญฺญาตาวินฺทฺริยํ ฯ

[๔๖๔] สทฺธา อินฺทฺริยนฺติ: อามนฺตา ฯเปฯ วิริยํ อินฺทฺริยนฺติ: อามนฺตา ฯเปฯ สติ อินฺทฺริยนฺติ: อามนฺตา ฯเปฯ สมาธิ อินฺทฺริยนฺติ อามนฺตา ฯเปฯ ปญฺญา อินฺทฺริยนฺติ: อามนฺตา ฯเปฯ

[๔๖๕] อนญฺญาตญฺญสฺสามีติ อินฺทฺริยนฺติ: อามนฺตา ฯเปฯ อญฺญํ อินฺทฺริยนฺติ: อามนฺตา ฯ อินฺทฺริยา จกฺขุนฺทฺริยนฺติ: จกฺขุนฺทฺริยํ อินฺทฺริยญฺเจว จกฺขุนฺทฺริยญฺจ อวเสสา อินฺทฺริยา อินฺทฺริยา น จกฺขุนฺทฺริยํ ฯเปฯ อินฺทฺริยา อญฺญาตาวินฺทฺริยนฺติ: อญฺญาตาวินฺทฺริยํ อินฺทฺริยญฺเจว อญฺญาตาวินฺทฺริยญฺจ อวเสสา อินฺทฺริยา อินฺทฺริยา น อญฺญาตาวินฺทฺริยํ ฯ อญฺญาตาวี อินฺทฺริยนฺติ: อามนฺตา ฯ