Aññātāvindriyaṁ indriyañceva aññātāvindriyañca. Avasesā indriyā na aññātāvindriyaṁ. Dukkhaṁ indriyanti? Āmantā …pe…. Somanassaṁ indriyanti? Āmantā …pe…. Domanassaṁ indriyanti? Āmantā …pe…. Upekkhā indriyanti? Yā upekkhā indriyaṁ sā upekkhā ceva indriyañca. Avasesā upekkhā na indriyaṁ. Indriyā cakkhundriyanti? Cakkhundriyaṁ indriyañceva cakkhundriyañca. Avasesā indriyā na cakkhundriyaṁ …pe…. Upekkhā indriyanti? Yā upekkhā indriyaṁ sā upekkhā ceva indriyañca. Avasesā upekkhā na indriyaṁ. Indriyā aññātāvindriyanti? Aññātāvindriyaṁ indriyañceva aññātāvindriyañca. Avasesā indriyā na aññātāvindriyaṁ. Saddhā indriyanti? Āmantā …pe…. Vīriyaṁ indriyanti? Āmantā …pe…. Sati indriyanti? Āmantā …pe…. Samādhi indriyanti? Āmantā …pe…. Paññā indriyanti? Āmantā …pe…. Anaññātaññassāmīti indriyanti? Āmantā …pe…. Aññaṁ indriyanti? Āmantā …pe…. Aññātāvī indriyanti? Āmantā.