Kathañca, bhikkhave, bhikkhu mahato kāyassa padāletā hoti? Idha, bhikkhave, bhikkhu mahantaṁ avijjākkhandhaṁ padāleti. Evaṁ kho, bhikkhave, bhikkhu mahato kāyassa padāletā hoti. Imehi kho, bhikkhave, tīhi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassā”ti. Paṭhamaṁ.

14. Yodhājīvavagga

Parisāsutta “Tisso imā, bhikkhave, parisā. Katamā tisso? Ukkācitavinītā parisā, paṭipucchāvinītā parisā, yāvatāvinītā parisā— imā kho, bhikkhave, tisso parisā”ti. Dutiyaṁ.

14. Yodhājīvavagga

Mittasutta “Tīhi, bhikkhave, aṅgehi samannāgato mitto sevitabbo. Katamehi tīhi? (…) Duddadaṁ dadāti, dukkaraṁ karoti, dukkhamaṁ khamati— imehi kho, bhikkhave, tīhi aṅgehi samannāgato mitto sevitabbo”ti. Tatiyaṁ.

14. Yodhājīvavagga

Uppādāsutta