สุตฺตนิปาเต ทุติยสฺส จูฬวคฺคสฺส อฏฺฐมํ นาวาสุตฺตํ

[๓๒๕] ๘ ยสฺมา หิ ธมฺมํ ปุริโส วิชญฺญา

อินฺทํว นํ เทวตา ปูชเยยฺย

โส ปูชิโต ตสฺมึ ปสนฺนจิตฺโต

พหุสฺสุโต ปาตุกโรติ ธมฺมํ ฯ

ตทฏฺฐิกตฺวาน นิสมฺม ธีโร

ธมฺมานุธมฺมํ ปฏิปชฺชมาโน

วิญฺญู วิภาวี นิปุโณ จ โหติ

โย ตาทิสํ ภชติ อปฺปมตฺโต ฯ

ขุทฺทญฺจ พาลํ อุปเสวมาโน

อนาคตตฺถญฺจ อุสุยฺยกญฺจ

อิเธว ธมฺมํ อวิภาวยิตฺวา

อวิติณฺณกงฺโข มรณํ อุเปติ ฯ

ยถา นโร อาปคํ โอตริตฺวา

มโหทกํ สลิลํ สีฆโสตํ

โส วุยฺหมาโน อนุโสตคามี(

กึ โส ปเร สกฺขติ ตารเยตุํ ฯ

ตเถว ธมฺมํ อวิภาวยิตฺวา

พหุสฺสุตานํ อนิสามยตฺถํ

สยํ อชานํ อวิติณฺณกงฺโข