ปสฺสญฺจ ทิฏฺฐีสุ อนุคฺคหาย

อชฺฌตฺตสนฺตึ ปจินํ อทฺทสํ ฯ

วินิจฺฉยา ยานิ ปกปฺปิตานิ (อิติ มาคนฺทิโย)

เต เว มุนี พฺรูสิ อนุคฺคหาย

อชฺฌตฺตสนฺตีติ ยเมตมตฺถํ

กถํ นุ ธีเรหิ ปเวทิตนฺตํ ฯ

น ทิฏฺฐิยา น สุติยา น ญาเณน (มาคนฺทิยาติ ภควา)

สีลพฺพเตนาปิ น สุทฺธิมาห

อทิฏฺฐิยา อสฺสุติยา อญาณา

อสีลตา อพฺพตา โนปิ เตน

เอเต จ นิสชฺช อนุคฺคหาย

สนฺโต อนิสฺสาย ภวํ น ชปฺเป ฯ

โน เจ กิร ทิฏฺฐิยา น สุติยา น ญาเณน (อิติ มาคนฺทิโย)

สีลพฺพเตนาปิ น สุทฺธิมาห

อทิฏฺฐิยา อสฺสุติยา อญาณา

อสีลตา อพฺพตา โนปิ เตน

มญฺญามหํ โมมุหเมว ธมฺมํ

ทิฏฺฐิยา จ เอเก ปจฺเจนฺติ สุทฺธึ ฯ

ทิฏฺฐิญฺจ ๑ นิสฺสาย อนุปุจฺฉมาโน (มาคนฺทิยาติ ภควา)

สมุคฺคหีเตสุ สโมหมาคา

#๑ ม. ทิฏฺฐญฺจ ฯ