นีจากุลีโนปิ มุนี ธิตีมา

อาชานิโย โหติ หิรีนิเสโธ ฯ

สจฺเจน ทนฺโต ทมสา อุเปโต

เวทนฺตคู วูสิตพฺรหฺมจริโย

กาเลน ตมฺหิ หพฺยํ ปเวจฺเฉ

โย พฺราหฺมโณ ปุญฺญเปกฺโข ยเชถ ฯ

เย กาเม หิตฺวา อคหา จรนฺติ

สุสญฺญตตฺตา ตสรํว อุชฺชุํ ๑

กาเลน เตสุ หพฺยํ ปเวจฺเฉ

โย พฺราหฺมโณ ปุญฺญเปกฺโข ยเชถ ฯ

เย วีตราคา สุสมาหิตินฺทฺริยา

จนฺโทว ราหุคหณา ปมุตฺโต ๒

กาเลน เตสุ หพฺยํ ปเวจฺเฉ

โย พฺราหฺมโณ ปุญฺญเปกฺโข ยเชถ ฯ

อาสชฺชมานา วิจรนฺติ โลเก

สทา สตา หิตฺวา มมายิตานิ

กาเลน เตสุ หพฺยํ ปเวจฺเฉ

โย พฺราหฺมโณ ปุญฺญเปกฺโข ยเชถ ฯ

โย กาเม หิตฺวา อภิภุยฺยจารี

โย เวทิ ชาตีมรณสฺส อนฺตํ

ปรินิพฺพุโต อุทกรหโทว สีโต

ตถาคโต อรหติ ปูรฬาสํ ฯ

#๑ โป. ยุ. อุชฺชุ ฯ ๒ โป. ม. ยุ. ปมุตฺตา ฯ