ปฏิฆานุสยญฺจ ปริชานาติ ตโต อวิชฺชานุสยํ ปริชานาตีติ: นตฺถิ ฯ ยโต วา ปน อวิชฺชานุสยํ ปริชานาติ ตโต กามราคานุสยญฺจ ปฏิฆานุสยญฺจ ปริชานาตีติ: รูปธาตุยา อรูปธาตุยา ตโต อวิชฺชานุสยํ ปริชานาติ โน จ ตโต กามราคานุสยญฺจ ปฏิฆานุสยญฺจ ปริชานาติ กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ ปริชานาติ โน จ ตโต ปฏิฆานุสยํ ปริชานาติ ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ปริชานาติ โน จ ตโต กามราคานุสยํ ปริชานาติ ฯ
[๑๔๓๘] ยโต กามราคานุสยญฺจ ปฏิฆานุสยญฺจ มานานุสยญฺจ ปริชานาติ ตโต ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: นตฺถิ ฯ ยโต วา ปน วิจิกิจฺฉานุสยํ ปริชานาติ ตโต กามราคานุสยญฺจ ปฏิฆานุสยญฺจ มานานุสยญฺจ ปริชานาตีติ: รูปธาตุยา อรูปธาตุยา ตโต วิจิกิจฺฉานุสยญฺจ มานานุสยญฺจ ปริชานาติ โน จ ตโต กามราคานุสยญฺจ ปฏิฆานุสยญฺจ ปริชานาติ กามธาตุยา ทฺวีสุ เวทนาสุ ตโต วิจิกิจฺฉานุสยญฺจ กามราคานุสยญฺจ มานานุสยญฺจ ปริชานาติ โน จ ตโต ปฏิฆานุสยํ ปริชานาติ ทุกฺขาย เวทนาย ตโต วิจิกิจฺฉานุสยญฺจ ปฏิฆานุสยญฺจ ปริชานาติ โน จ ตโต กามราคานุสยญฺจ มานานุสยญฺจ ปริชานาติ ฯ ยโต กามราคานุสยญฺจ ปฏิฆานุสยญฺจ มานานุสยญฺจ ปริชานาติ ตโต ภวราคานุสยํ ปริชานาตีติ: นตฺถิ ฯ ยโต วา ปน ภวราคานุสยํ ปริชานาติ