ตโต กามราคานุสยญฺจ ปฏิฆานุสยญฺจ มานานุสยญฺจ ปริชานาตีติ: รูปธาตุยา อรูปธาตุยา ตโต ภวราคานุสยญฺจ มานานุสยญฺจ ปริชานาติ โน จ ตโต กามราคานุสยญฺจ ปฏิฆานุสยญฺจ ปริชานาติ ฯ ยโต กามราคานุสยญฺจ ปฏิฆานุสยญฺจ มานานุสยญฺจ ปริชานาติ ตโต อวิชฺชานุสยํ ปริชานาตีติ: นตฺถิ ฯ ยโต วา ปน อวิชฺชานุสยํ ปริชานาติ ตโต กามราคานุสยญฺจ ปฏิฆานุสยญฺจ มานานุสยญฺจ ปริชานาตีติ: รูปธาตุยา อรูปธาตุยา ตโต อวิชฺชานุสยญฺจ มานานุสยญฺจ ปริชานาติ โน จ ตโต กามราคานุสยญฺจ ปฏิฆานุสยญฺจ ปริชานาติ กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ มานานุสยญฺจ ปริชานาติ โน จ ตโต ปฏิฆานุสยํ ปริชานาติ ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ปริชานาติ โน จ ตโต กามราคานุสยญฺจ มานานุสยญฺจ ปริชานาติ ฯ

[๑๔๓๙] ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปริชานาติ ตโต วิจิกิจฺฉานุสยํ ปริชานาตีติ: นตฺถิ ฯ ยโต วา ปน วิจิกิจฺฉานุสยํ ปริชานาติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปริชานาตีติ: รูปธาตุยา อรูปธาตุยา ตโต วิจิกิจฺฉานุสยญฺจ มานานุสยญฺจ ทิฏฺฐานุสยญฺจ ปริชานาติ โน จ ตโต กามราคานุสยญฺจ ปฏิฆานุสยญฺจ ปริชานาติ กามธาตุยา ทฺวีสุ เวทนาสุ ตโต วิจิกิจฺฉานุสยญฺจ กามราคานุสยญฺจ มานานุสยญฺจ ทิฏฺฐานุสยญฺจ ปริชานาติ โน จ