โย วา ปน ยโต ภวราคานุสยํ ปริชานาติ โส ตโต มานานุสยํ ปริชานาตีติ: อามนฺตา ฯ โย ยโต มานานุสยํ ปริชานาติ โส ตโต อวิชฺชานุสยํ ปริชานาตีติ: อามนฺตา ฯ โย วา ปน ยโต อวิชฺชานุสยํ ปริชานาติ โส ตโต มานานุสยํ ปริชานาตีติ: อคฺคมคฺคสมงฺคี ทุกฺขาย เวทนาย โส ตโต อวิชฺชานุสยํ ปริชานาติ โน จ โส ตโต มานานุสยํ ปริชานาติ โสว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต อวิชฺชานุสยญฺจ ปริชานาติ มานานุสยญฺจ ปริชานาติ ฯ

[๑๔๔๕] โย ยโต ทิฏฺฐานุสยํ ปริชานาติ โส ตโต วิจิกิจฺฉานุสยํ ปริชานาตีติ: อามนฺตา ฯ โย วา ปน ยโต วิจิกิจฺฉานุสยํ ปริชานาติ โส ตโต ทิฏฺฐานุสยํ ปริชานาตีติ: อามนฺตา ฯเปฯ

[๑๔๔๖] โย ยโต วิจิกิจฺฉานุสยํ ปริชานาติ โส ตโต ภวราคานุสยํ ปริชานาตีติ: อฏฺฐมโก กามธาตุยา ตีสุ เวทนาสุ โส ตโต วิจิกิจฺฉานุสยํ ปริชานาติ โน จ โส ตโต ภวราคานุสยํ ปริชานาติ โสว ปุคฺคโล รูปธาตุยา อรูปธาตุยา โส ตโต วิจิกิจฺฉานุสยํ ปริชานาติ ภวราคานุสยํ ตเทกฏฺฐํ ปริชานาติ ฯ โย วา ปน ยโต ภวราคานุสยํ ปริชานาติ โส ตโต วิจิกิจฺฉานุสยํ ปริชานาตีติ: โน ฯ โย ยโต วิจิกิจฺฉานุสยํ ปริชานาติ โส ตโต อวิชฺชานุสยํ ปริชานาตีติ: ตเทกฏฺฐํ ปริชานาติ ฯ โย วา ปน ยโต อวิชฺชานุสยํ ปริชานาติ โส ตโต วิจิกิจฺฉานุสยํ ปริชานาตีติ: โน ฯ