[๑๔๔๗] โย ยโต ภวราคานุสยํ ปริชานาติ โส ตโต อวิชฺชานุสยํ ปริชานาตีติ: อามนฺตา ฯ โย วา ปน ยโต อวิชฺชานุสยํ ปริชานาติ โส ตโต ภวราคานุสยํ ปริชานาตีติ: อคฺคมคฺคสมงฺคี กามธาตุยา ตีสุ เวทนาสุ โส ตโต อวิชฺชานุสยํ ปริชานาติ โน จ โส ตโต ภวราคานุสยํ ปริชานาติ โสว ปุคฺคโล รูปธาตุยา อรูปธาตุยา โส ตโต อวิชฺชานุสยญฺจ ปริชานาติ ภวราคานุสยญฺจ ปริชานาติ ฯ

[๑๔๔๘] โย ยโต กามราคานุสยญฺจ ปฏิฆานุสยญฺจ ปริชานาติ โส ตโต มานานุสยํ ปริชานาตีติ: นตฺถิ ฯ โย วา ปน ยโต มานานุสยํ ปริชานาติ โส ตโต กามราคานุสยญฺจ ปฏิฆานุสยญฺจ ปริชานาตีติ: โน ฯ โย ยโต กามราคานุสยญฺจ ปฏิฆานุสยญฺจ ปริชานาติ โส ตโต ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: นตฺถิ ฯ โย วา ปน ยโต วิจิกิจฺฉานุสยํ ปริชานาติ โส ตโต กามราคานุสยญฺจ ปฏิฆานุสยญฺจ ปริชานาตีติ: อฏฺฐมโก รูปธาตุยา อรูปธาตุยา โส ตโต วิจิกิจฺฉานุสยํ ปริชานาติ โน จ โส ตโต กามราคานุสยญฺจ ปฏิฆานุสยญฺจ ปริชานาติ โสว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสยญฺจ ปริชานาติ กามราคานุสยญฺจ ตเทกฏฺฐํ ปริชานาติ โน จ โส ตโต ปฏิฆานุสยํ ปริชานาติ โสว ปุคฺคโล ทุกฺขาย เวทนาย โส ตโต วิจิกิจฺฉานุสยญฺจ ปริชานาติ ปฏิฆานุสยญฺจ ตเทกฏฺฐํ ปริชานาติ