โน จ โส ตโต กามราคานุสยํ ปริชานาติ ฯ โย ยโต กามราคานุสยญฺจ ปฏิฆานุสยญฺจ ปริชานาติ โส ตโต ภวราคานุสยํ ปริชานาตีติ: นตฺถิ ฯ โย วา ปน ยโต ภวราคานุสยํ ปริชานาติ โส ตโต กามราคานุสยญฺจ ปฏิฆานุสยญฺจ ปริชานาตีติ: โน ฯ โย ยโต กามราคานุสยญฺจ ปฏิฆานุสยญฺจ ปริชานาติ โส ตโต อวิชฺชานุสยํ ปริชานาตีติ: นตฺถิ ฯ โย วา ปน ยโต อวิชฺชานุสยํ ปริชานาติ โส ตโต กามราคานุสยญฺจ ปฏิฆานุสยญฺจ ปริชานาตีติ: โน ฯ

[๑๔๔๙] โย ยโต กามราคานุสยญฺจ ปฏิฆานุสยญฺจ มานานุสยญฺจ ปริชานาติ โส ตโต ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: นตฺถิ ฯ โย วา ปน ยโต วิจิกิจฺฉานุสยํ ปริชานาติ โส ตโต กามราคานุสยญฺจ ปฏิฆานุสยญฺจ มานานุสยญฺจ ปริชานาตีติ: อฏฺฐมโก รูปธาตุยา อรูปธาตุยา โส ตโต วิจิกิจฺฉานุสยญฺจ ปริชานาติ มานานุสยญฺจ ตเทกฏฺฐํ ปริชานาติ โน จ โส ตโต กามราคานุสยญฺจ ปฏิฆานุสยญฺจ ปริชานาติ โสว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสยญฺจ ปริชานาติ กามราคานุสยญฺจ มานานุสยญฺจ ตเทกฏฺฐํ ปริชานาติ โน จ โส ตโต ปฏิฆานุสยํ ปริชานาติ โสว ปุคฺคโล ทุกฺขาย เวทนาย โส ตโต วิจิกิจฺฉานุสยญฺจ ปริชานาติ ปฏิฆานุสยญฺจ ตเทกฏฺฐํ ปริชานาติ โน จ โส ตโต กามราคานุสยญฺจ มานานุสยญฺจ ปริชานาติ ฯ โย ยโต กามราคานุสยญฺจ ปฏิฆานุสยญฺจ