1. Sagāthāvagga

Samādhisutta “Tisso imā, bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā— imā kho, bhikkhave, tisso vedanāti. Samāhito sampajāno, sato buddhassa sāvako; Vedanā ca pajānāti, vedanānañca sambhavaṁ. Yattha cetā nirujjhanti, maggañca khayagāminaṁ; Vedanānaṁ khayā bhikkhu, nicchāto parinibbuto”ti. Paṭhamaṁ.

1. Sagāthāvagga

Sukhasutta “Tisso imā, bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā— imā kho, bhikkhave, tisso vedanāti. Sukhaṁ vā yadi vā dukkhaṁ, adukkhamasukhaṁ saha; Ajjhattañca bahiddhā ca, yaṁ kiñci atthi veditaṁ. Etaṁ dukkhanti ñatvāna, mosadhammaṁ palokinaṁ; Phussa phussa vayaṁ passaṁ, evaṁ tattha virajjatī”ti. Dutiyaṁ.

1. Sagāthāvagga

Pahānasutta