“Ye kho tvaṁ, upāli, dhamme jāneyyāsi: ‘ime dhammā na ekantanibbidāya virāgāya nirodhāya upasamāya abhiññāya sambodhāya nibbānāya saṁvattantī’ti; ekaṁsena, upāli, dhāreyyāsi: ‘neso dhammo neso vinayo netaṁ satthusāsanan’ti. Ye ca kho tvaṁ, upāli, dhamme jāneyyāsi: ‘ime dhammā ekantanibbidāya virāgāya nirodhāya upasamāya abhiññāya sambodhāya nibbānāya saṁvattantī’ti; ekaṁsena, upāli, dhāreyyāsi: ‘eso dhammo eso vinayo etaṁ satthusāsanan’”ti. Navamaṁ.

8. Vinayavagga

Adhikaraṇasamathasutta “Sattime, bhikkhave, adhikaraṇasamathā dhammā uppannuppannānaṁ adhikaraṇānaṁ samathāya vūpasamāya. Katame satta? Sammukhāvinayo dātabbo, sativinayo dātabbo, amūḷhavinayo dātabbo, paṭiññātakaraṇaṁ dātabbaṁ, yebhuyyasikā dātabbā, tassapāpiyasikā dātabbā, tiṇavatthārako dātabbo. Ime kho, bhikkhave, satta adhikaraṇasamathā dhammā uppannuppannānaṁ adhikaraṇānaṁ samathāya vūpasamāyā”ti. Dasamaṁ. Vinayavaggo aṭṭhamo. Tassuddānaṁ Caturo vinayadharā, caturo ceva sobhanā; Sāsanaṁ adhikaraṇa— samathenaṭṭhame dasāti.

9. Samaṇavagga

Bhikkhusutta “Sattannaṁ, bhikkhave, dhammānaṁ bhinnattā bhikkhu hoti. Katamesaṁ sattannaṁ? Sakkāyadiṭṭhi bhinnā hoti, vicikicchā bhinnā hoti, sīlabbataparāmāso bhinno hoti, rāgo bhinno hoti, doso bhinno hoti, moho bhinno hoti, māno bhinno hoti. Imesaṁ kho, bhikkhave, sattannaṁ dhammānaṁ bhinnattā bhikkhu hotī”ti. Paṭhamaṁ.

9. Samaṇavagga

Samaṇasutta “Sattannaṁ, bhikkhave, dhammānaṁ samitattā samaṇo hoti …pe…. Dutiyaṁ.

9. Samaṇavagga

Brāhmaṇasutta “… Bāhitattā brāhmaṇo hoti …pe…. Tatiyaṁ.

9. Samaṇavagga

Sottiyasutta “… Nissutattā sottiyo hoti …pe…. Catutthaṁ.

9. Samaṇavagga

Nhātakasutta “… Nhātattā nhātako hoti …pe…. Pañcamaṁ.

9. Samaṇavagga

Vedagūsutta “… Viditattā vedagū hoti …pe…. Chaṭṭhaṁ.

9. Samaṇavagga

Ariyasutta “… Ārakattā ariyo hoti …pe….