ākiñcaññāyatanaṁ samāpannassa viññāṇañcāyatanasaññā niruddhā hoti; nevasaññānāsaññāyatanaṁ samāpannassa ākiñcaññāyatanasaññā niruddhā hoti; saññāvedayitanirodhaṁ samāpannassa saññā ca vedanā ca niruddhā honti. Ime kho, bhikkhave, nava anupubbanirodhā”ti. Ekādasamaṁ. Sattāvāsavaggo tatiyo. Tassuddānaṁ Tiṭhānaṁ khaḷuṅko taṇhā, Sattapaññā silāyupo; Dve verā dve āghātāni, Anupubbanirodhena cāti.

4. Mahāvagga

Anupubbavihārasutta “Navayime, bhikkhave, anupubbavihārā. Katame nava? Paṭhamaṁ jhānaṁ, dutiyaṁ jhānaṁ, tatiyaṁ jhānaṁ, catutthaṁ jhānaṁ, ākāsānañcāyatanaṁ, viññāṇañcāyatanaṁ, ākiñcaññāyatanaṁ, nevasaññānāsaññāyatanaṁ, saññāvedayitanirodho— ime kho, bhikkhave, nava anupubbavihārā”ti. Paṭhamaṁ.

4. Mahāvagga

Anupubbavihārasamāpattisutta “Navayimā, bhikkhave, anupubbavihārasamāpattiyo desessāmi, taṁ suṇātha …pe… katamā ca, bhikkhave, nava anupubbavihārasamāpattiyo?