อกฺขาติ วิภชติ ๑ อิเธว ธมฺมํ

ตํ กงฺขจฺฉิทํ ๒ มุนึ อเนชํ

ทุติยํ ภิกฺขุนมาหุ มคฺคเทสึ ฯ

โย ธมฺมปเท สุเทสิเต

มคฺเค ชีวติ สญฺญโต สติมา

อนวชฺชปทานิ เสวมาโน

ตติยํ ภิกฺขุนมาหุ มคฺคชีวึ ฯ

ฉทนํ กตฺวาน สุพฺพตานํ

ปกฺขนฺที กุลทูสโก ปคพฺโภ

มายาวี อสญฺญโต ปลาโป

ปฏิรูเปน จ จรํ ส มคฺคทูสี ฯ

เอเต จ ปฏิวิชฺฌิ โย คหฏฺโฐ

สุตวา อริยสาวโก สปญฺโญ

สพฺเพ เน ตาทิสาติ ๓ ญตฺวา

อิติ ทิสฺวา น หาเปติ ตสฺส สทฺธา

กถญฺหิ ทุฏฺเฐน อสมฺปทุฏฺฐํ

สุทฺธํ อสุทฺเธน สมํ กเรยฺยาติ ฯ

จุนฺทสุตฺตํ ปญฺจมํ ฯ

______________

#๑ ม. วิภชเต ฯ ๒ โป. กงฺขจฺเฉทํ ฯ ๓ โป. ม. ยุ. เนตาทิสาติ ฯ