สยาโน ๑ วา ยาว ตสฺส วิคตมิทฺโธ ฯ

เอตํ สตึ อธิฏฺเฐยฺย

พฺรหฺมเมตํ วิหารํ อิธมาหุ ฯ

ทิฏฺฐิญฺจ อนุปคมฺม สีลวา

ทสฺสเนน สมฺปนฺโน9

กาเมสุ วิเนยฺย เคธํ

น หิ ชาตุ คพฺภเสยฺยํ ปุนเรตีติ ฯ

เมตฺตสุตฺตํ อฏฺฐมํ ฯ

__________________

สุตฺตนิปาเต อุรควคฺคสฺส นวมํ เหมวตสุตฺตํ

[๓๐๙] ๙ อชฺช ปณฺณรโส อุโปสโถ (อิติ สาตาคิโร ยกฺโข)

ทิพฺยา ๒ รตฺติ อุปฏฺฐิตา

อโนมนามํ สตฺถารํ หนฺท ปสฺสาม โคตมํ ฯ

กจฺจิ มโน สุปณิหิโต (อิติ เหมวโต ยกฺโข)

สพฺพภูเตสุ ตาทิโน

กจฺจิ อิฏฺเฐ อนิฏฺเฐ จ สงฺกปฺปสฺส วสีกตา ฯ

มโน จสฺส สุปณิหิโต (อิติ สาตาคิโร ยกฺโข)

สพฺพภูเตสุ ตาทิโน

อโถ อิฏฺเฐ อนิฏฺเฐ จ สงฺกปฺปสฺส วสีกตา ฯ #๑ ม. สยาโน ยาวตาสฺส วิคตมิทฺโธ ฯ ๒ ม. ทิพฺพา ฯ