ตเมว ทสฺสึ วิวฏํ จรนฺตํ

เกนีธ โลกสฺมึ วิกปฺปเยยฺย ฯ

น กปฺปยนฺติ น ปุเรกฺขโรนฺติ

อจฺจนฺตสุทฺธีติ น เต วทนฺติ

อาทานคนฺถํ คธิตํ วิสชฺช

อาสํ น กุพฺพนฺติ กุหิญฺจิ โลเก ฯ

สีมาติโค พฺราหฺมโณ ตสฺส นตฺถิ

ญตฺวา ว ทิสฺวา ว สมุคฺคหีตํ

น ราคราคี น วิราครตฺโต,

ตสฺสีธ นตฺถี ปรมุคฺคหีตนฺติ ฯ

สุทฺธฏฺฐกสุตฺตํ จตุตฺถํ ฯ

___________________

สุตฺตนิปาเต จตุตฺถสฺส อฏฺฐกวคฺคสฺส

ปญฺจมํ ปรมฏฺฐกสุตฺตํ

[๔๑๒] ปรมนฺติ ทิฏฺฐีสุ ปริพฺพสาโน

ยทุตฺตรึ กุรุเต ชนฺตุ โลเก

หีนาติ อญฺเญ ตโต สพฺพมาห

ตสฺมา วิวาทานิ อวีติวตฺโต ฯ

ยทตฺตนี ปสฺสติ อานิสํสํ