สุตฺวาน นาคสฺส อปนมิสฺสนฺติ ๑ อิโต

นานาชนา ชนปเทหิ สงฺคตา

ตว วีร วากฺยํ อภิกงฺขมานา

เตสํ ตุวํ สาธุ วิยากโรหิ

ตถา หิ เต วิทิโต เอส ธมฺโม ฯ

อาทานตณฺหํ วินเยถ สพฺพํ (ภทฺราวุธาติ ภควา)

อุทฺธํ อโธ ติริยญฺจาปิ มชฺเฌ

ยํ ยญฺหิ โลกสฺมึ อุปาทิยนฺติ๗

เตเนว มาโร อเนฺวติ ชนฺตุํ

ตสฺมา ปชานํ น อุปาทิเยถ

ภิกฺขุ สโต กิญฺจนํ สพฺพโลเก

อาทานสตฺเต อิติ เปกฺขมาโน

ปชํ อิมํ มจฺจุเธยฺยํ วิสตฺตนฺติ ฯ

ภทฺราวุธมาณวกปญฺหา ทฺวาทสมา ฯ

_______________

สุตฺตนิปาเต ปญฺจมสฺส ปารายนวคฺคสฺส เตรสมา อุทยปญฺหา

[๔๓๗] ๑๓ ฌายึ วิรชมาสินํ (อิจฺจายสฺมา อุทโย) กตกิจฺจํ อนาสวํ

ปารคุํ สพฺพธมฺมานํ อตฺถี ปเญฺหน อาคมํ

อญฺญํ วิโมกฺขํ ปพฺรูหิ อวิชฺชาย ปเภทนํ ฯ #๑ โป. อปกมิสฺสนฺติ ฯ