ตถาคโต อรหติ ปูรฬาสํ ฯ

สงฺคาติโค ยสฺส น สนฺติ สงฺคา

โย มานสตฺเตสุ อมานสตฺโต

ทุกฺขํ ปริญฺญาย สเขตฺตวตฺถุํ

ตถาคโต อรหติ ปูรฬาสํ ฯ

อาสํ อนิสฺสาย วิเวกทสฺสี

ปรเวทิยํ ทิฏฺฐิมุปาติวตฺโต

อารมฺมณา ยสฺส น สนฺติ เกจิ

ตถาคโต อรหติ ปูรฬาสํ ฯ

ปโรปรา ยสฺส สเมจฺจ ธมฺมา

วิธูปิตา อตฺถคตา น สนฺติ

สนฺโต อุปาทานกฺขเย วิมุตฺโต

ตถาคโต อรหติ ปูรฬาสํ ฯ

สํโยชนํ ชาติขยนฺตทสฺสี

โย ปานุที ราคปถํ อเสสํ

สุทฺโธ นิทฺโทโส วิมโล อกาโม ๑

ตถาคโต อรหติ ปูรฬาสํ ฯ

โย อตฺตนาตฺตานํ ๒ นานุปสฺสติ

สมาหิโต อุชุคโต ฐิตตฺโต

ส เว อเนโช อขิโล ๓ อกงฺโข

#๑ ม. ยุ. อกาโจ ฯ ๒ ม. อตฺตโน อตฺตานํ ฯ ๓ โป. อวิโล ฯ