สมฺปยาโตสิ ยมสฺส สนฺติกํ

วาโสปิ จ เต นตฺถิ อนฺตรา

ปาเถยฺยมฺปิ จ เต น วิชฺชติ ฯ

โส กโรหิ ทีปมตฺตโน

ขิปฺปํ วายม ปณฺฑิโต ภว

นิทฺธนฺตมโล อนงฺคโณ

น ปุน ชาติชรํ อุเปหิสิ ฯ

อนุปุพฺเพน เมธาวี โถกํ โถกํ ขเณ ขเณ

กมฺมาโร รชตสฺเสว นิทฺธเม มลมตฺตโน ฯ

อยสา ว มลํ สมุฏฺฐิตํ ๑

ตทุฏฺฐาย ตเมว ขาทติ

เอวํ อติโธนจารินํ

สานิ กมฺมานิ นยนฺติ ทุคฺคตึ ฯ

อสชฺฌายมลา มนฺตา อนุฏฺฐานมลา ฆรา

มลํ วณฺณสฺส โกสชฺชํ ปมาโท รกฺขโต มลํ ฯ

มลิตฺถิยา ทุจฺจริตํ มจฺเฉรํ ททโต มลํ

มลา เว ปาปกา ธมฺมา อสฺมึ โลเก ปรมฺหิ จ

ตโต มลา มลตรํ อวิชฺชา ปรมํ มลํ

เอตํ มลํ ปหตฺวาน นิมฺมลา โหถ ภิกฺขโว ฯ #๑ สมุฏฺฐายาติปิ ฯ