Maññāmahaṁ lokādhipatisahabyataṁ, Ākaṅkhamāno tidivaṁ anuttaraṁ; Kasmā bhavaṁ vijanamaraññamassito, Tapo idha kubbasi brahmapattiyā”ti. “Yā kāci kaṅkhā abhinandanā vā, Anekadhātūsu puthū sadāsitā; Aññāṇamūlappabhavā pajappitā, Sabbā mayā byantikatā samūlikā. Svāhaṁ akaṅkho asito anūpayo, Sabbesu dhammesu visuddhadassano; Pappuyya sambodhimanuttaraṁ sivaṁ, Jhāyāmahaṁ brahma raho visārado”ti. Evaṁ vutte, bhāradvājagotto brāhmaṇo bhagavantaṁ etadavoca: “abhikkantaṁ, bho gotama, abhikkantaṁ, bho gotama …pe… ajjatagge pāṇupetaṁ saraṇaṁ gatan”ti.

2. Upāsakavagga

Mātuposakasutta