Evaṁ me sutaṁ— ekaṁ samayaṁ bhagavā rājagahe viharati veḷuvane kalandakanivāpe. Tena kho pana samayena aññataro upāsako cīrāya bhikkhuniyā cīvaraṁ adāsi. Atha kho cīrāya bhikkhuniyā abhippasanno yakkho rājagahe rathikāya rathikaṁ siṅghāṭakena siṅghāṭakaṁ upasaṅkamitvā tāyaṁ velāyaṁ imaṁ gāthaṁ abhāsi: “Puññaṁ vata pasavi bahuṁ, Sappañño vatāyaṁ upāsako; Yo cīrāya adāsi cīvaraṁ, Sabbayogehi vippamuttiyā”ti.
1. Indakavagga
Āḷavakasutta